Oleh : Aman Sakhi
Wen.... Anakku...
Rungep mu nge bebersih
Bekal opoh mu nge ber potong
Langakmu renye ku napang
Tatah mu nge berlangkah
Taok sarek mu si mulenting
Nge cecor berperi bahasa
Penengonmu si mu eber-eber
Nge lues terang mu manang
Wen.... Anakku...
Lues ni donya nge teridah
Jarak ni langkah gere ne terukur
Gere ne kecos muneja peri mustike
Alif orom Ba nge terkemas wan dede
Sikerna nge naru rues orom tungku
Nge ngok ken se serenen pengganti ni daling si kolak
Ara nge pelongohen pengganti ni kayu rubu
Ngok ken telangke orom penemah langkah
Oya Harapen ku ken kao anakku
Wen.... Anakku...
Besilo gigih mu si kuharap
Si kerna nge misie batang ruang
Kitee gere ilen petama
Alas gere ilen pedenang
Nume lungi ni denang peri bahasa
Si patot luah ko anakku
Nume pane similiki ko si kuharap
Anakku...
Reje si nge sawah orom
Langkah ku dodok ni tenge si ku nampi
Tape Anakku..
Gere si kerna waktu sejep osop penorep mu Anakku
Cumen ike beta pe
Bewen e ara wan kemol ni pumumu anakku...
Buge kite sadar anakku...
Nume repie nilai ni sudere mu anakku
Gelah sepapah orom sepupuh kao anakku
Wen.... Anakku...
Ku perosen dedeku
Karena bier kuneh pe, ini bewen e buet ku
